شو رأيكن بالدراما السورية وتأثيراتها

هلا نحنا برمضان وعم نشوف كتير مسلسلات أشكال وألوان


بس
ياترى برأيكون



هل هالمسلسلات بتعكس الصورة الصحيحة ؟؟
يعني مثلاً
لما منشوف مسلسل متل زلزال ( وهوة بيصور البيئة اللادئانية ) يعني
ولا أبشع من هيك صورة بيعكسها عن اللادئية

المشكلة انو الممثلين بيندمجوا بالدور وبيبالغو شوي فيه

وعم يعتمدو نقطة الغباء متل شغلة بتضحك
يعني استغباء الممثل صار كوميديا

و منجي على لعنة طين
هاد بيصور البيئة القروية
سدؤوني أنا رحت على كزا ضيعة
لك في ضيع فيها تطور متلها متل عنا بالمدينة
ولا الأحلى انو كل بيت فيو كزا واحد جامعي اسمالله

يعني هيك مسلسلات بتشوه الصورة تماماً

أما

المسلسلات الشامية

يعني أنا مو مختلط بأهل الشام القديمة كعشرة

بس ياترى
اللي بيشوف هيك مسلسلات وهالشي اللي بتحتويه بياخد فكرة غلط عن أهل الشام القديمة مع انو هنن ولا أحلى من هيك



يعني بدي وصل لنقطة
انو انتو رأيكون متل رأيي
وإذا لأ
شلون بتشوفو هالناحية ؟؟؟؟



شكراً لتفاعلكن

للأسف....الدراما عنا دخلت بنفق مظلم .........
هاد شي طبيعي بعد كل النجاحات... وعادي كتير
وبالنهاية بيضل : (الفشل ضرورة ...و ليس غاية)..

المسلسلات السورية بشكل عام في هذا الوقت هي مثال للدراما الفاشلة تماما
حيث انه لا يوجد مسلسل يعكس صورة حقيقية واقعية للمجتمع الذي يخصه في المسلسل
بل يشوه صورته في عيون المشاهدين
كما اننا في زمن لا نجد فيه ممثلا يتقن دوره بل يعتمدون مبدأ المبالغة والكوميديا والفشل
ولا تجد ممثلا في اي مسلسل منسجم في دوره وتصوير مسلسلاتنا قمة في الفشل
أي بشكل عام الدراما السوريا في فشل مستمر
وحقيقة انا لا اتابع أي مسلسل فهي عبارة عن مضيعة للوقت ووقتي أثمن من أن اهدره في مشاهدة مسلسلات فاشلة ولا اقصد تكبرا بل بكل تواضع هل من مقارنة بين قراءة كتاب يزيدنا علما وبين مشاهدة مسلسل من الدراما المشوهة لعين المشاهد ورؤياه
طبعا ولا اقصد الاهانة ولكن وأسفاااه هذه هي الحقيقة
مشكور عالموضوع اعتذر عن الاطالة
تقبل مروري

Mя.Tuҡi كتب:

لا والله بالعكس زوزو انا بشوف

انو الدراما السورية صارت تتناول مواضيع حساسة كتير

يعني وراء الشمس بيحكي عن المعاقيين و المصابيين بالتوحد

ومتلازمة داروين وهذا شي بينحسب للدراما السورية (وجهة نظر)

بس تصحيح اسمها متلازمة داون ( مو داروين )







و منشان البقية

نحنام و عم نحكي عن فشل ( كقيمة مطلقة لابستها لبس للدراما ) بس عم نحكي لفشلها بشغلة تصوير الواقع بصورة صحيحة

يعني اعتمدو على ضغلات مو بمحلها


أما الإخراج و التمثيل والكادر الفني كلو نحنا نُحسَد عليه صراحة


يعني بدنا
سيناريست والممثلين عنا

اكيد علي متل ماتفضلت حضرتك

يعني العيب مو من الكادر الفني ( من ممثلين واخراج...)

المشكلة بالسيناريو الي عم يسيرو عليه

او القصة

يعني منفتقد لبعض الملامسات فيها.......؟؟

مع احترامي الفاااااائق لرأيكن
بس بحب قول رأيي يلي هوة انو للأسف الممثلين ما عندن قوة وانسجام
يعني عنا ضعف كتير بالكادر التمثيلي
والاخراج ما رح احكي عليه مشان ما انفهم غلط ومشان ما كون عم وجه اهانة لأبي واصدقائه الغاليين
بس بشكل عام نحنا بحاجة لتقوية لدراما بسوريا
هاد رأيي بكل احترام لرأيكن بس انا اخدت رايي من خلال ملامسة الوسط
وبحترم رأيكن قد كون غلطانة والناس اراء
مشكورين
منورين حياتي بمواضيعكن وردوركن